SPD Nortorf

De 1. Mai in Nordörp
De 1. Mai in Nordörp
von Willi Mallon

In de twintigter Johren weer de eerste Mai för de Arbeiderschaft de höchste Fierdag in′t Johr. Wer an dissen Dat aber nich to Arbeid güng, müß dormit reeken, entlaaten to warn. De eerste Mai weer keen Festdag, un de Arbeidgeber hebbt allens daan to verhinnern, dat düsse Dag fiert würr. Dat gehörte to den domaaligen Klassenkampf! Trotzdem, oder ok geraade deshalb, fierten die Nordörper Arbeiter doch. Un so güng denn de Maifier vör sick.

Wie Schoolkinner, wi kunn an′n eersten Mai friekriegen; uns Vadder brukte nur een Zeddel to unnerschrieben, de vun de "Volkszeitung" vördruckt weer. Wenn wi den Zeddel in de Schollf afgeeven deen, müß uns de Lehrer loopen laaten. Wie Volksschöler hebbt dat natürlich utnutzt.

An′ Morgen vun′n eersten Mai güngen de Lüüd vun′n Speelmannszug natürli nich to Arbeid; se güngen na de Turnhalle vun de Friee Turnerschaft. Deelwies sind se tatsächli deswegen entlaaten wurrn. - Wi  Kinner töövden schon an de Turnhalle un natürli mit uns ok ′n ganz Deel Grote. Nun güng dat mit Musik dörch Nordörp na de Ledderfabrik Loges & Rasmussen, Na′n Juden, wie man in Nordörp seggen de. Dor in Jungfernstieg wörr so lang vör′n Werktor speelt, bet een Deel vun de Ledderarbeider mit uns marscheerte.

Vun dor güng dat na Böhme, ok een Ledderfabrik, un ok dor schlööten sick Lüüd an, aber doch nich so veel. Vun Böhme ut güng dat nun wieder mit Musik na "Kiautschou" an′n Borgdörper See. So vun half tein bet twölf bleeven wi dor. Wi Kinner wörrn mit Brause un Bontjes versorgt. Wi hebbt rudert un ant Waater speelt, während de Grooten wohl in′n Saal debattiert hebbt un dorbi ok′n Lütten nahmen hebbt.

To Middag marscheerten wi denn - meistens öber Schülp - wedder na Nordörp. Eenmaal wörr graad dat Huus von Wendt buut, un de Muurlüüd weern an′t Arbeiden, wie wi dor vörbikeemen. Dor wörr anhooln un′n Stück speelt; anschließend güngen de Muurlüüd mit uns, nur Wendt sülm natürli ni, de hett banni schimpt! An de Turnhalle an de Bargstedter Straat weer denn für uns Lüdden de Maifier to Enn; für die Grooten füng se wull eers richdi an.  

 
QR-Code

image

umWeltforum

image